सामुदायिक बीउ बैंक संघ नेपालले ‘हाम्रो बीउ‘ नामक मोबाइल एप विकास गरेको छ। यो गुगल प्लेस्टोरमा उपलब्ध छ। यो नेपाली भाषामा तयार गरिएको छ र यसको मुख्य उद्देश्य सामुदायिक बीउ बैंक र यसले गरेका स्थानीय बाली विविधता संरक्षण सम्बन्धी सुचना तथा जानकारी विस्तार गर्नु र स्थानीय बीउ लगाउन चाहने व्यक्तिहरूबिच सञ्चार तथा समन्वय बढाउनु रहेको छ।
यस एपमा सामुदायिक बीउ बैंक संघ नेपालमा आवद्ध सामुदायिक बीउ बैंकहरूको छोटो चिनारी, उनीहरूले संरक्षण गरेका स्थानीय बाली विविधताको फोटो तथा संक्षिप्त जानकारी र बीउ प्राप्त गर्न वा थप जानकरी हाँसिल गर्न चाहनेका लागि सम्पर्क नम्बर उपलब्ध गराइएको छ।
सन् २०२० को फेब्रुवरी महिनासम्म यस एपमा १२ वटा सामुदायिक बीउ बैंक र उनीहरूले संरक्षण गरेका ७०४ वटा स्थानीय जातबारेको विवरण अद्यावधी गरिएको थियो।
