वि.सं. २०७६ मा सामुदायिक बीउ बैंक संघ नेपाल र बंगलादेशमा सामुदायिक बीउ बैंकमा कार्यरत कर्मचारी तथा कृषकहरूबिच अनुभव आदान-प्रदान भ्रमण आयोजना गरिएको थियो। यसको मुख्य उद्देश्य एकअर्काबाट सिक्ने र सामुदायिक बीउ बैंकको स्तरोन्नती गर्ने रहेको थियो। यो भ्रमणमा सामुदायिक बीउ बैंक नेपालको सञ्चालक समितिका पाँच जना सदस्यहरू सहभागि भएका थिए भने बंगलादेशबाट पनि सोही संख्यामा सहभागिहरू नेपाल आएका थिए। यो कार्यक्रमका लागि आर्थिक सहयोग वायोभर्सिटी मार्फत Seed, Soil and Culture बाट प्राप्त भएको थियो

भ्रमणमा नेपालका सहभागिहरूले बंगलादेशको दुई तहको सामुदायिक बीउ बैंक भ्रमण गरेका थिए। पहिलो तहमा समुदाय स्तरमा Community Seed Hut (CHS) र केही CHS हरूको सञ्जालको रूपमा स्थापना गरिएको Community Seed wealth Center (CSWC).  CHS हरू समुदायका महिला सदस्यहरूले मात्र सञ्चालन गरेका हुन्छन् भने CHS हरूले संरक्षण गरेका सबै स्थानीय बीउ CSWC मा पनि संरक्षण गरिएको हुन्छ। CHS भन्दा CSWC अलि बृहत र व्यवस्थित हुन्छ भने यसको व्यवस्थापनमा सहयोगी संस्थाको भूमिका अलि बढी हुन्छ।